السلام عليكم.....
^
^
^
^
^
^
^
^
^
^
بعض اللقافة والكلمات اللي ترفع الضغط
مثــلا :-
أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- بتنام ! ! !
(( لا أبرقص ,, أكيد أبنام ))
أنت لابس ثوبك وكاشخ بالشماغ وماشي بالبيت متجه لباب : الشارع ,,
يجي أحد من أهلك وينادي بصوت عالي >>> بتطلع ! ! !
(( أبدخل ,, أيه أبطلع ))
عزيزتي الفتاة مثلا أنتي بالجامعة وقمتي من الطاولة عقب ألف سالفه وسالفه يتخللها الحش والضحك
والغشمرة ورحتي عند الباب الخارجى اللى يودى لمواقف السيارات . . .
تجي وحده ملقوفه من البنات وتقولك : - فلانه بتروحين البيت ! ! !
(( لا أبطلع برا اتشمس , , أكيد أبروح لـبـيـتـنـا من زين الكليه جالسه في استاربكس!!!! وانا مدري ))
مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !
((لا بفرش اسنانى , , أكيد أبكلم ))
ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيه أحبها ليش أجل متصل ))
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( لا أبروح أكفخهم وأسوي هوشه , , , أكيد أبعايدهم ))
واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار
(( والله جاي اشوف مباراه النصر والهلال ... اكيد اني بسافر ))
لاتحرموني ردودكم ومروركم
مع تحياتى للجميع
موضوع: اسئله ترفع الضغط من اهلنا بس ادخل وضحك 
